Një gjykatë federale në SHBA ka dënuar me burgim të përjetshëm 60-vjeçarin Ryan Ruth, i cili u shpall fajtor për tentativë vrasjeje ndaj Presidentit Donald Trump gjatë një ngjarjeje në një fushë golfi në Florida në vitin 2024.

Përveç dënimit me burgim të përjetshëm, gjykata e dënoi atë edhe me shtatë vite shtesë për armëmbajtje të paligjshme. Ruth u shpall fajtor për tentativë vrasjeje të një kandidati presidencial, përdorim të armës për kryerjen e një krimi, sulm ndaj një zyrtari federal, posedim të paligjshëm të armës dhe përdorim të një arme me numër serial të falsifikuar.

Avokati mbrojtës kishte kërkuar një dënim prej 27 vitesh, duke argumentuar moshën e pandehurit, por gjykata vendosi masën maksimale. Pas shpalljes së verdiktit, Ruth tentoi të lëndonte veten me thikë brenda sallës së gjyqit, por u neutralizua menjëherë nga forcat e sigurisë.