Në Turqi, përfundoi gjyqi për shembjen e një hoteli gjatë tërmetit shkatërrues të vitit 2023, që çoi në vdekjen e 72 personave. Ahmet Bozkurt, pronari i hotelit, u dënua me 18 vjet e pesë muaj burg, ndërsa arkitekti i godinës, Erdem Yilmaz, mori të njëjtin dënim. Djali i Bozkurtit, Mehmeti, u dënua me 17 vjet e katër muaj burg.
Ata u dënuan për “shkaktimin e vdekjes ose plagosjes së më shumë se një personi nga pakujdesia me dashje”. Analizat shkencore treguan se materiali i dobët ndërtimi, si zhavorri dhe rëra, ishin përdorur për ndërtimin e shtyllave që mbështesnin hotelin. Hoteli Isias, që funksiononte prej vitit 2001, u shemb në një moment të shkurtër, duke kontribuar në tragjedinë më të madhe të tërmetit që goditi Turqinë dhe Sirinë, ku humbën jetën mbi 50,000 persona dhe 1.5 milionë njerëz mbetën pa shtëpi.
