Dënohet me 18 vite burg efektivi Nevaldo Hajdaraj, i cili vrau Klodian Rashën në vitin 2020.
Gjykata e Apelit ashpërsoi masën e dënimit për ish-policin qe qëlloi për vdekje me plumb pas shpine të riun ne orët e para te 8 dhjetorit 2020 ne rrugicën e shtëpisë së 25vjeçarit në Laprakë. Nga 15 vite që ishte dënuar nga gjykata e Tiranës, shkalla e dyte e gjyqësorit e cilësoi fajtor ish-policin për akuzën e vrasjes me dashje dhe dënoi me 18 vite burgim.
Por në bazë të gjykimit të shkurtuar ai do të vuajë 12 vite burg.
Me vendimin e kësaj të mërkure, 16 mars, Apeli ia ka shtuar vitet e dënimit ish efektivit.
Hajdaraj sipas Apelit e vrau me dashje 25 vjecarin, teksa ky i fundit largohej me vrap duke mos iu bindur urdhrit të policisë për t’u ndalur pasi kishte dalë jashtë orës policore që ishte vendosur atëkohë për shkak të pandemisë.
