Gjykata e Posaçme do të mblidhet të mërkurën për të caktuar masën e sigurisë ndaj ish-kryeministrit Sali Berisha, pasi Prokuroria e Posaçme ka kërkuar “arrest shtëpie” me mbikëqyrje policore te dera e shtëpisë.

Deputeti i PD-së, Flamur Noka, tha se në rast arrestimi, Sali Berisha do të vazhdojë të jetë kryetar dhe të drejtojë Partinë Demokratike.

Noka theksoi se drejtimi i partisë nuk ka asnjë problem dhe nuk do të ketë ndryshime, duke e vlerësuar si e padiskutueshme faktin që Berisha do të drejtojë PD-në.

Sali Berisha do ta drejtorë partinë sëbashku me ne që jemi bashkëpunëtorët e tij, Kryesia, Këshilli Kombëtar dhe deputetët. Kjo nuk ka nevojë për asnjë diskutim. Do të jetë fizikisht në takimet tona apo online, kjo është çështje tjetër. Por drejtimi i Partisë nuk ka asnjë problem dhe nuk do të ketë asnjë ndryshim. Kjo është e padiskutueshme. Sali Berisha me ekipin e tij do të drejtojë PD-në”, tha Noka.