Deputeti Dashnor Sula mori fjalën sot në fillim të seancës plenare dhe shpreh qëndrimin e tij kundër futjes në rendin e ditës të projekt-ligjit ‘Për amnistinë’. Ai vlerëson se ky ligj nuk duhet të shqyrtohet në seancë pa u diskutuar më parë në Komisionin e Ligjeve.

“Së pari, në thelb, jam i kundërt. Nuk jemi në prani të një akti rutinor, por përballë një projekt-ligji të rëndësishëm. Në këtë seancë, deputetët nuk janë njoftuar paraprakisht. Komisioni i Ligjeve, që ka përgjegjësinë për këtë çështje, nuk na ka ofruar mundësinë për të propozuar ndonjë amendament. Pavarësisht kësaj, amnistia është kaluar në mënyrë të njëanshme me votat e mazhorancës. Dakordësia nen për nen ka shumë për të diskutuar dhe do të ishte korrekte që Komisioni i Ligjeve të zhvillohej. Kërkoj që urgjentisht Komisioni i Ligjeve të mbahet, ose që amnistia të shtyhet për një javë,” – thotë Sula.