Deputetja e Partisë Demokratike, Ina Zhupa, u shpreh se bordet e çmimeve janë praktika komuniste, që nuk i shërbejnë ekonomisë së tregut.

Komentet Zhupa i bëri përmes një interviste për News 24, ku u shpreh se këto praktika i shërbejnë vetëm oligarkëve, për të mbajtur çmimet e karburanteve dhe ushqimeve në nivelin që ata duan.

Ajo shtoi se këto metoda nuk kanë vend në një shtet demokratik, dhe sipas saj, nëse qeveria kërkon të ndërhyjë për të ulur çmimet, mjafton të ulë taksat e ushqimeve dhe karburanteve.

“Ne kemi zhvilluar edhe primaret më parë që të bëjmë denoncimet përkatëse, që të jemi më pranë qytetarëve, për të shpalosur programin tonë, etj. Nga ana tjetër kemi betejën në Parlament për të kundërshtuar gjithçka që është kundra interesit public, megjithëse ata kanë vullnetin e votave të blear për të votuar çfarë të duan. Nga ana tjetër është rruga e revolucionit demokratik, që qytetarët të protestojnë dhe të shprehun pakënaqësitë e tyre. Mjafton t’ju them që PD ka bërë padi në Gjykatën Kushtetuese për të dy bordet, për atë të ushqimeve dhe atë të karburanteve.

Është një praktikë komuniste, një praktik antitreg, një praktikë që mban çmimet në maksimum, duke i shërbyer një grupi njerëzish. Janë në kundërshtim me Kushtetutën, Jemi i vetmi vend demokratik që funksionojnë këto lloj bordesh. Qeveria nëse do të ndërhyjë, mund të ulë taksat për karburantet, ose taksat e ushqimeve, pasi tregu duket të vendosë vetë. Këta kanë gjetur metodën e bordit për të mbajtur mirë oligarkët dhe për t’ju shërbyer interesave të tyre”, u shpreh Zhupa.