Deputetja Ina Zhupa ka shprehur shqetësimin e saj lidhur me dorëheqjen e Elsa Toskes nga Gjykata Kushtetuese dhe moszbatimin e vendimit për Olta Xhacken nga Kuvendi. Sipas Zhupës, dorëheqja e Toskes është një akt i dyshimtë që reflekton presionin e mazhorancës.

“Aktualisht, Gjykata Kushtetuese është e nëpërkëmbur dhe e zhvlerësuar,” tha Zhupa. Ajo theksoi se gjykata ka dy mundësi: të marrë vendime pro mazhorancës ose të shohë se vendimet e saj nuk do të njihen dhe zbatohen nga parlamenti.

Zhupa e quajti dorëheqjen e Toskes një ngjarje që në çdo vend tjetër do të ishte temë kryesore diskutimi. Ajo shprehu se, megjithëse nuk e njeh personalisht Tosken, ka qenë dëshmitare e integritetit dhe profesionalizmit të saj në vendimmarrje.

“‘Gjykata Kushtetuese sot eshte e neperkembur dhe e zhvleresuar.
Gjykata ka vetëm dy rrugë: ose të marr vendime pro mazhorancës dhe ti njihen ose vendimet e marra jashtë vullnetit mazhorancës nuk do zbatohen dhe nuk do njihen nga parlamenti.
Në këtë minim të drejtësisë vjen edhe lajmi i dorëheqjes së një gjyqtare të Gjykatës Kushtetuese, që në çdo vend tjetër do ishte temë themelore e diskutimit mbi arsyet dhe motivet.

Elsa Toskën se kam njohur dhe se kam takuar kurrë në jetë. Por kam qënë në sallën e Gjykatës Kushtetuese për të parë integritetin e saj në qëndrime dhe profesionalizmin e saj në vendimarrje.
Ndoshta këto kanë qënë arsyet që e kanë detyruar të jap dorëheqjen… ndoshta më shumë gjyqtarë vegla duhen sesa balanca e brishtë 5-4 e shumë vendimarrjeve të fundit. Kjo mund të jetë nevoja e re e pushtetit.
Secili nga ne është i rrezikuar kur cënohet integriteti i vendimarrjeve të Gjykatës Kushtetuese, që në thelb garanton mos cënueshmërinë e të drejtave tona themelore kushtetuese, ndarjen dhe balancën e pushteteve dhe integritetin dhe sovranitetin e vendit.‘- shkruan Zhupa.
” shtoi ajo, duke sugjeruar se pushteti mund të ketë nevojë për më shumë gjyqtarë që veprojnë si vegla sesa për një balancë të brishtë të vendimeve.