Deputetja ukrainase Ivanna Klympush-Tsintzadze ka deklaruar se Gjermania po bën një gabim të rëndë duke mos i ofruar Ukrainës armatim të rëndë në luftën kundër rusëve.

Klympush-Tsintzadze, e cila është kryetare e komitetit parlamentar për integrimin e Ukrainës në BE, mirëpriti liderët e BE-së që mbështesin statusin e kandidatit për Ukrainën, ajo i bëri thirrje vendeve evropiane të ndihmojnë në aspektin humanitar dhe me armatime. “Ai vendim … nuk duhet të anashkalojë nevojat e tjera të vendit tonë” tha ajo, duke bërë thirrje për armatim. “Fatkeqësisht, ne nuk po marrim mjaftueshëm nga ato shtete”

Ajo specifikoi Gjermaninë duke thënë se ajo ‘ka dhënë armatim më të pakët’.

“Ne e kuptojmë se ky ishte tashmë një ndryshim i madh në politikën e tyre. Por deri tani armatimet e rënda nuk vijnë realisht nga ai vend. Dhe unë mendoj se është një gabim i madh i Gjermanisë, duke u përpjekur t’i shtyjë ato vendime”

Klympush-Tsintzadze shtoi se vizita e kancelarit Olaf Scholz në Kiev do ta bindë atë të ofrojë më shumë ndihmë, tani që ai dhe liderët e tjerë “në fakt kanë parë rrënojat dhe shkatërrimet që rusët kanë sjellë në tokën tonë pranë Kievit me sytë e tyre. Ndoshta kjo mund të ndryshojë gatishmërinë e tyre për të marrë vendime për ta na ofruar armatim shtesë”