Detaje të reja janë zbuluar lidhur me vdekjen tragjike të taksistit shqiptar, Gentian Kamberi, i cili u përfshi në një aksident në Athinë. Siç raportohet, Kamberi u përplas me një tjetër makinë që kaloi me semafor të kuq, e cila drejtohej nga një vajzë 22-vjeçare në gjendje të dehur.

Pas testeve të bëra, 22-vjeçarja, Ekaterina Caci, u gjet se kishte konsumuar thuajse trefishin e limitit të ligjshëm të alkoolit. Rezultati i analizave të gjakut tregoi një përqindje prej 1.29 g/lt, ndërsa kufiri i lejueshëm është 0.50 g/lt, shkruajnë mediat greke.

Gentian Kamberi, origjina e të cilit është nga Tirana, kishte krijuar jetën e tij në Greqi dhe ishte baba i një vajze 12-vjeçare. Ai punonte si taksist së bashku me bashkëshorten për të siguruar që vogëlushes së tyre t’i mos i mungonte asgjë. Tragjedia ka lënë pas një dhimbje të madhe për familjen dhe të gjithë ata që e njohën.