Detaje tronditëse janë zbardhur nga aksidenti tragjik në autostradën Egnatia në Greqi, ku tre shqiptarë humbën jetën pasi makinat e tyre u përfshinë nga flakët.

Sipas një dëshmitari okular, gjithçka ndodhi në pak sekonda kur një kamion u përplas me dy makina, duke i shkatërruar dhe përfshirë në zjarr. Pamjet dhe skenat ishin makabër, ndërsa brenda automjeteve ndodheshin viktimat, të cilat nuk arritën të dilnin.

“Na nxirrni jashtë, na shpëtoni!” – ishin thirrjet dëshpëruese të tre shqiptarëve të bllokuar, sipas dëshmitarit, i cili shtoi se nuk mundën të bënin asgjë për t’i shpëtuar.

Forcat e emergjencës mbërritën menjëherë, por flakët kishin përfshirë plotësisht makinat. Grupi hetimor po punon për të përcaktuar shkaqet e aksidentit dhe për të identifikuar plotësisht viktimat