Mediat greke kanë publikuar detaje të reja rreth vrasjes së Thimo Drobonikut, njohur ndryshe si Prifti, në mes të Athinës, Greqi. Autoritetet policore po hulumtojnë thellë lidhjet e tij me botën e errët, duke analizuar të dhëna për të zbuluar se kush mund të ishte personi që dëshironte vdekjen e tij.

Dyshohet se vrasja e Thimo Drobonikut ka lidhje me veprimtari të tij kriminale, veçanërisht me akuzat për larje parash, krijimin e bande kriminale, trafikun e lëndëve narkotike, tafikun e cigaretave pa leje dhe falsifikimin. Ai ishte arrestuar disa herë më parë dhe kishte një histori të pasur me autoritetet greke.

Në lidhje me vrasjen, hetohet nëse ka ndonjë lidhje me makinën e gjetur të braktisur disa ditë më parë, e cila përmbante një arsenal armësh dhe materiale të ndryshme kriminale. Automjeti, i raportuar si vjedhur më herët, ka lidhje me një 39-vjeçar shqiptar, i arrestuar disa herë më parë në Greqi.

Viktima, 56-vjeçari Thimi Droboniku, u vra rreth orës 21:00 në një rrugë të Athinës. Përderisa u transportua në spital me shenja jete, plagët e marra rezultuan të jetë të pamundura për t’u shëruar. Autoritetet kanë gjetur dy gëzhoja pistolete 9 mm në vendin e ngjarjes dhe kanë nisur një hetim për të identifikuar dhe kapur autorët e vrasjes. Dëshmitarët kanë raportuar se kanë parë dy persona që janë larguar me një motor, menjëherë pas ngjarjes tragjike.