Dhomë e Përfaqësuesve në Shtetet e Bashkuara pritet të votojë për të autorizuar zyrtarisht fillimin e hetimit për të përcaktuar nëse ka baza për të ngritur akuza ndaj Presidentit Joe Biden. Republikanët po mobilizohen për këtë proces, megjithëse ende ka shqetësime në disa prej tyre se nuk janë dalë prova të mjaftueshme për shkelje nga presidenti.

Hetimi ka qenë i fokusuar tek marrëdhëniet e biznesit të anëtarëve të familjes Biden dhe ka ngritur shqetësime etike, por deri më tani nuk ka pasuar prova për shkelje të qarta nga presidenti. Megjithatë, republikanët synojnë të ngrejnë akuza dhe ta shpallin fajtor Joe Biden në një proces që mund të çojë në shkarkim, nëse miratohet nga Senati. Procesi mund të zgjasë deri në vitin 2024, kur Biden pritet të përballet përsëri me ish-presidentin Donald Trump në zgjedhjet presidenciale. Presidenti Trump ka inkurajuar republikanët të veprojnë shpejt kundër Biden, pjesë e një fushate më të gjerë kundër kundërshtarëve të tij politikë.

Në një deklaratë të fundit, Shtëpia e Bardhë e quajti të gjithë procesin “të pabazë” dhe tha se republikanët po e vazhdojnë atë “pavarësisht nga fakti që anëtarët e partisë së tyre kanë pranuar se nuk ka prova për të mbështetur shkarkimin e Presidentit Biden”.

Disa republikanë të Dhomës së Përfaqësuesve, veçanërisht ata që vijnë nga distrikte të ndara mes dy forcave politike, kanë hezituar të shprehen pro votimit për procesin kundër zotit Biden, nga frika e një kostoje të konsiderueshme politike.

Por udhëheqësit republikanë kanë deklaruar javët e fundit se votimi është vetëm një hap i procesit, jo një vendim për ta shpallur fajtor presidentin Biden. Ky mesazh duket se i bindur skeptikët.

Që votimi të ketë sukses, duhet që pothuajse të gjithë republikanët e Dhomës së Përfaqësuesve të votojnë pro. Kjo do të jetë një provë e madhe e unitetit të partisë, duke pasur parasysh epërsinë e lehtë të republikanëve 221-213.
Demokratët e Dhomës së Përfaqësuesve janë të unifikuar në kundërshtimin e tyre ndaj procesit të shkarkimit, duke thënë se kjo është një farsë e përdorur nga GOP për të larguar vëmendjen nga ish-presidenti Trump dhe problemet e tij ligjore.

Ndërsa republikanët thonë se hetimi i tyre është i përqendruar tek vetë presidenti, ata kanë treguar interes të veçantë për të birin e tij Hunter Biden dhe marrëdhëniet e tij të biznesit jashtë shtetit, nga të cilat ata akuzojnë presidentin se ka përfituar personalisht.