Protesta e dhunshme e zhvilluar ditën e sotme nga ish-kryeministri Sali Berisha në selinë e Partisë Demokratike, duket se ka shqetësuar jo pak amerikanët.

Me anë të një postimi në rrjete sociale, Byroja e Çështjeve Konsullore në Departamentin e Shtetit  ka bërë thirrje të gjithë qytetarëve të shmangin zonën rreth selisë së Partisë Demokratike pas zhvillimeve të dhunshme të ndodhura atje ditën e sotme.

Byroja e Çështjeve Konsullore në Departamentin e Shtetit shkruan se incidente të tjera mund të shfaqen në pjesë të tjera të qytetit.

 “Protesta në selinë e Partisë Demokratike ka përshkallëzuar në dhunë, ku kanë ndodhur disa incidente, përplasje fizike apo dhe përdorimin e gazit lotsjellës. Duhet të shmangni zonën përreth selisë dhe të qëndroni në gatishmëri për të evituar tubime të tjera që mund të regjistrohen në zona periferike” – thuhet në postim.