Një ngjarje shqetësuese ka ndodhur në qytetin e Korçës, ku pesë të mitur, të gjithë 15-vjeçarë, janë proceduar penalisht nga policia, pasi dyshohet se kanë dhunuar një bashkëmoshatar të tyre.

Sipas njoftimit të Policisë së Korçës, ngjarja ka ndodhur pas një sherri për motive të dobëta. Të miturit, duke vepruar në bashkëpunim me njëri-tjetrin, kanë goditur me grushta viktimën, duke i shkaktuar dëmtime trupore.

“Për 5 shtetas të mitur 15-vjeçarë, pasi dyshohet se për motive të dobëta, në bashkëpunim me njëri-tjetrin kanë goditur me grushta një 15-vjeçar,” – thuhet në njoftimin e policisë.

Materialet procedurale i janë kaluar Prokurorisë pranë Gjykatës së Shkallës së Parë Korçë për veprime të mëtejshme.