Një punonjës i bashkisë së Shkodrës raportohet se është sulmuar dhe dhunuar ditën e sotme në lagjen “Salo Halili”. Ngjarja ka ndodhur rreth orës 09:00 kur 49-vjeçari Ermal Dizdari është sulmuar dhe ka pësuar dëmtime fizike nga goditja me sende të forta, duke e detyruar të marrë ndihmë mjekësore në Spitalin Rajonal Shkodër.
Njoftimi i Policisë:
Shkodër/Informacion paraprak. Rreth orës 09:00, në lagjen “Salo Halili”, dyshohet se gjatë një konflikti, ka pësuar dëmtime fizike nga goditja me sende të forta, shtetasi E. D., 49 vjeç, i cili po merr ndihmë mjekësore në Spitalin Rajonal Shkodër.
Shërbimet e Policisë kanë shkuar menjëherë në vendngjarje dhe vijojnë kontrollet për kapjen e autorit. Grupi hetimor, në drejtimin e Prokurorisë, po punon për zbardhjen e rrethanave të ngjarjes, identifikimin dhe kapjen e autorit. Zbardhet dëshmia e Ermal Dizdarit, një jurist në Bashkinë e Shkodrës, i cili mëngjesin e kësaj të enjteje është dhunuar nga dy persona.
Ngjarja ka ndodhur rreth orës 09:00 të mëngjesit, kur dy persona kanë sulmuar dhe goditur me sende të forta Ermal Dizdarin dhe pastaj janë larguar nga vendi i ngjarjes. Dizdari është transportuar në spitalin e Shkodrës, ku ka marrë ndihmën mjekësore.
I pyetur nga policia, 49-vjeçari ka treguar se “dy persona dolën para dhe menjëherë filluan të më sulmonin me levë. Nuk i njoha”. Ngjarja ka ndodhur në lagjen Salo Halili të Shkodrës. Ermal Dizdari ishte në rrugë për në punë në momentin e sulmit.
