Pas shpërndarjes virale të videos ku tiktokeri i njohur “Diamanti Blu” u dhunua gjatë një transmetimi live në TikTok, ai ka dalë me versionin e tij të ngjarjes.

Në një video të re të publikuar në profilin e tij, Diamanti sqaroi se incidenti lidhej me mosmarrëveshje dhe ofendime të mëparshme mes tij dhe disa personave të tjerë, duke e përshkruar si “një konflikt të momentit”.

“Kush më ka share, e kam share. Kam parë drejtimin tim. Nuk kam gabime të mëdha, ndonjë gabim të vogël mund ta kem, por janë gjëra që ndodhin,” tha ai, duke theksuar se nuk e konsideron veten problematik.

Tiktokeri shtoi gjithashtu se publiku duhet të kuptojë se “jemi çuna të mirë, nuk jemi kështu”, duke tentuar të qetësojë spekulimet që u përhapën pas videos virale, ku përplasja u lidh me konflikte të vjetra në platformë.

Reagimi i tij duket si një përpjekje për të rikthyer kontrollin mbi imazhin e tij dhe për të qetësuar komunitetin e ndjekësve pas incidentit.