Tre automjete janë djegur në orët e para të mëngjesit të së martës në kryeqytet. Ngjarja ka ndodhur në rrugën “Vëllezërit Hobdari” në zonën e Tiranës së Re rreth orës 05:00 të mëngjesit.

Automjetet kanë qenë të parkuara njëra pas tjetrës në momentin që u përfshinë nga flakët e zjarrit. Njera nga mjetet është shkrumbuar tërësisht, kurse dy të tjerat janë djegur pjesërisht.

Nuk dihet ende nëse zjarri ka qenë i qëllimshëm apo aksidental dhe më pas është përhapur edhe në automjetet e tjera.

Grupi hetimor i policisë do të zbardhë shkakun e ngjarjes.