Kryeministri Edi Rama ka filluar fjalën e tij në Piramidën e Tiranës me fjalët “Diktatori do të rrotullohej në varr”. Ai theksoi se Enver Hoxha donte që Shqipëria t’i urrente amerikanët, ndërsa ai e di se Amerika është mik i Shqipërisë. Rama ka falënderuar sekretarin e shtetit të SHBA-së, Antony Blinken, për vizitën e tij, duke e cilësuar takimin si hap për të hapur horizontet e të rinjve shqiptarë.

“Diktatori për të cilin kjo piramidë u ndërtua sot po rrotullohet në varr. Ai na rriti me urrejtje për ju.
Por ne sot ju mirëpresim dhe urojmë një marrëdhënie të gjatë.
Ky tempull sot, zgjeron horizontet e të rinjve sot.
Shumë pronarë të kësaj piramide do donin të ishin sot këtu, por protokolli i SHBA nuk i lejon. Unë e di që ju nuk keni qëllime të këqija. Në emër të gjithë shqiptarëve unë ju uroj mirëseardhjen.
Çelësa te shtëpisë sonë janë në duar të sigurta. Siç e kemi thënë gjithnjë, shtëpia, Shqipëria, i takon zotit dhe mikut. Ju falënderoj me gjithë zemër që jeni këtu sot. Ju falenderoj që sollët shpresë për të ardhmen tonë të përbashkët”, – u shpreh Rama.