Skuadra e Napolit ka pësuar një tjetër humbje në Serie A ditën e sotme, duke u mundur 3-0 nga Torino në një sfidë e zhvilluar në stadiumin “Olimpico”. Vendasit shënuan golin e zhbllokimit në fund të pjesës së parë, kur Sanabria gëzoi tifozët e tyre pas një topi të shkëlqyer nga sulmuesi Duvan Zapata.

Fillimi i pjesës së dytë solli sfida të vështira për Napolin, kur Mazzochi, i sapofutur në fushë, u ndëshkua me një karton të kuq për një ndërhyrje të parregullt në minutën e 50. Vetëm dy minuta më pas, Vlasiç nga Kroacia dyfishoi avantazhin për Torino. Në minutën e 66, Buongiorno shënoi golin e tretë për të siguruar 3 pikët për Torino.

Napoli tani ndodhet në vendin e nëntë në tabelë me 28 pikë, vetëm një pikë më shumë se Torino, e cila aktualisht ndodhet në vendin e dhjetë.