Sot është në ditën e katërt protesta e banorëve të Rinasit, pasi rruga me nje vendim të ARRSH është bërë vetëm me një sens lëvizje duke i penalizuar shumë në përditshmërinë e tyre.

Edhe sot ashtu si dje, në shenje protestë, prindërit nuk kanë dërguar në shkollë fëmijët e tyre, për shkak se ka shumë kosto, pas bllokimit të rrugës.

Prindërit bashkë me fëmijët janë ulur këmbë kryq me thirrjet “Hapni rrugën”.

Sot protestës së tyre pritet t’i bashkohen edhe disa deputetë të veriut.

Sot protestuesit janë mbledhur në afërsi të shkollës 9-vjeçare ‘Rexhë Deliu’. Ndërkaq ditën e djeshme ata bënë thirrje që d të vazhdojnë me protestat, deri në zgjidhjen e situatës. Në të kundërt do t’i përshkallëzojnë ato.

“E kemi arterien kryesore të jetës. Do vazhdojmë deri sa rruga të hapet”- u shpreh një banor i Rinasit.

“30 km shtesë. Duhet të lësh punën, cdo gjë është e dukshme. Nuk ka konvenon ajo rrugë, është copë-copë”– u shpreh një prej tyre.