Teksa vazhdon saga e kujdestarisë së vajzës Ninës mes Arbenitës dhe ish-partnerit të saj Fero, modelja ka zgjedhur të festojë ditëlindjen e vajzës larg zhurmës së medias, në Dubai.

Por Arbenita nuk është vetëm. Ajo është shoqëruar nga një nga njerëzit më të afërt të saj – motra dhe prezantuesja e njohur Almedina Ismajli, e cila ka udhëtuar enkas drejt Emirateve të Bashkuara për të qenë pranë familjes në këtë moment të veçantë.

Ndërkohë, një postim që ka tërhequr vëmendje ka ardhur nga Keisi, ish-partnerja e reperit Stresi. Ajo ka zgjedhur ta urojë publikisht vajzën Nina, duke e cilësuar Arbenitën si “bombën e saj” – një etiketim që ka nxitur komente dhe interpretime të shumta në rrjet.

Festimi në Dubai dhe reagimet publike duket se po krijojnë një tjetër kapitull emocional në historinë e ndërlikuar të Arbenitës, ndërsa çështja e kujdestarisë mbetet ende e pazgjidhur.