Arkimed Lushaj, i njohur nga publiku si Stresi, ka ngjallur reagime në rrjet pas një postimi të fundit në Instagram, që fansat e kanë interpretuar si një “kunj” të drejtpërdrejtë ndaj ish-banorëve të BBVA, e veçanërisht ndaj Jozefin Markut.

Në një InstaStory, këngëtari publikoi një foto të shoqëruar me shprehjen:
“Do korrni atë që mbillni.”

Ky reagim vjen pak ditë pas shpërthimit me tritol në shtëpinë e Jozefin Markut, si dhe jo shumë kohë pas publikimit të një videoje të përfolur mes Stresit dhe Jozit, ku shfaqej një moment i diskutueshëm gjatë një bisede.

Në videon që qarkulloi në TikTok, dëgjohet dialogu:

JOZI: “Çka i ke çunat e Fushë-Krujës?”
STRESI: “Vëllezër.”
JOZI: “Më puth.”

Stresi e plotëson kërkesën menjëherë, por fansat e interpretuan skenën si një formë presioni nga ana e Jozit, sidomos pas komenteve publike që reperi kishte bërë për të më herët. Madje, në rrjet u përfol edhe mundësia që videoja të ishte filmua pas një episodi dhune.

Megjithëse Stresi nuk ka përmendur emra, ndjekësit e lidhën postimin e tij me ngjarjet e fundit dhe konfliktet e aluduara mes tij dhe Jozefin Markut.

Deri më tani, as Stresi dhe as Jozi nuk kanë dhënë një deklaratë të drejtpërdrejtë për lidhjen mes videos, postimeve dhe shpërthimit me tritol.