Donald Trump ka promovuar një linjë altelesh të markës Trump për 399 dollarë një palë. Kandidati presidencial u shfaq në “Sneaker Con” në Filadelfia, një konventë këpucësh që njihet si “Shfaqja më e madhe e atleteve në tokë”.

Ai u prit me brohoritje, ndërsa prezantoi ato që ai i quajti këpucët e para zyrtare të Trump. Atletet janë ngjyrë ari të ndezura të zbukuruara me një “T”, flamuri amerikan me detaje në anën e pasme dhe një taban kuqezi.

Duke folur në këtë aktivitet, ish-presidenti tha: “Ka shumë emocione në këtë dhomë. Kjo është diçka për të cilën kam folur për 12, 13 vjet. Dhe mendoj se do të jetë një sukses i madh.”

Kujtojmë se Trump disa ditë më parë, u gjobit me 354.9 milionë dollarë pas një gjyqi për mashtrim civil në Nju Jork. Me interesin e përfshirë, ai do të duhet të dorëzojë të paktën 453.5 milionë dollarë. Gjykatësi gjithashtu e ndaloi Trumpin të drejtonte biznese në Nju Jork për tre vjet. Djemtë e tij, Eric dhe Donald Jr, morën ndalime të ngjashme për dy vjet.