Donaldi është i vetmi ish-banor i “Big Brother VIP” që nuk ka dhënë asnjë intervistë pas daljes nga shtëpia e famshme edhe pse më i komentuari. Veshaj dje ka habitur të gjithë me deklaratën që bëri përmes një postimi në Instastory.

Pas përfundimit të Big Brother Vip, ai foli për herë të parë në lidhje me ndjenjat e tij për Borën dhe historinë me Trixën.

Donaldi shprehet se po përpiqet të fitojë humbjen dhe se nga tani jeta e tij do të jetë larg kamerave.

“E ndërkohë që kamerat janë fikur,uroj të kuptoni e respektoni që tanimë kjo është jeta ime reale e si të tillë dua ta trajtoj. Kam kërkuar falje aty ku duhet dhe ku meriton dhe kam mbyllur portat që nuk duhet t’i kisha hapur kurrë. Me ndihmën e kohës dhe të diellit, uroj që bora të shkrihet”, ishte një pjesë e deklaratës së Donaldit ku me këtë vulosi mbylljen e historisë me Trixën, ndërsa për Borën u shpreh se po mundohet ta rifitojë.

Trixa ndërkohë nuk i ka kursyer deklaratat për të cilat edhe është komentuar shumë, prandaj ka vendosur të reagojë me një status që u duk si një përgjigjë për deklaratën e Donaldit.

“Shumë njerëz nuk më pëlqejnë mua sepse jam tepër e sinqertë. Më mirë të them të vërtetën dhe të më urrejnë sesa të më pëlqejnë për diçka që nuk jam”, shkruan këngëtarja në Twitter.