Pak javë pas ekstradimit nga Dubai, Gjykata e Posaçme Kundër Korrupsionit dhe Krimit të Organizuar (GJKKO) ka kaluar për gjykim dosjen ndaj Durim Bami dhe disa personave të tjerë të përfshirë.

Mes të pandehurve janë edhe Aldo Avdyli, Edson Jozwik, Henerigert Mitri, Marklen Haka, Altin Morina dhe Jozi Kraja, të cilët akuzohen nga Prokuroria e Posaçme për një sërë veprash penale, përfshirë tentativa për vrasje, sigurim kushtesh për kryerjen e krimeve dhe kultivim të lëndëve narkotike.

Gjatë seancës, të gjithë të akuzuarit kanë kërkuar gjykim të shkurtuar, kërkesë e cila pritet të shqyrtohet në seancën e radhës nga trupi gjykues.

Procesi ndaj tyre konsiderohet një nga çështjet më të rëndësishme që lidhen me goditjen e grupeve kriminale nga drejtësia e posaçme.