Drejtori i Drejtorisë Vendore të Policisë Tiranë dha një prononcim për mediat lidhur me ndërhyrjen e “bluve” në selinë e PD. Ai u shpreh se u ndërhy pas thirrjes së drejtuesve të PD se u rrezikohej jeta.

Sipas tij ka pasur disa telefonata nga drejtues të PD-së, duke shtuar se atyre iu rrezikohej jeta.

Mes të tjerash ai tha se pasi të bëhen të gjitha verifikimet, do të largohen nga selia e PD-së dhe nuk do ta ruajnë ata.

“Ju ishit të pranishëm vetë që veprimet e protestuesve ishin të dhunshme. Nga brenda selisë së PD erdhi njoftimi që rrezikohet jeta. Ne vlerësuam që rrezikohet jeta, dhe vepruam në bazë të ligjit. Protesutesit që kanë përdorur akte dhune do mbajnë përgjegjësi para ligjit. Është i dëmtuar lehtë një punonjës policie dhe një qytetar”, thuhet në deklaratë.

“Pati kërkesa dhe telefonata nga drejtues të PD-së. U telefonuam. Telefonatat janë të regjistruara të gjitha. Ndërhymë kur vlerësuam se rrezikohet jeta. Rrezikohej jeta e cdo qytetari, jo vetëm deputeti”, u shpreh drejtori i Policisë së kryeqytetit.

I pyetur se si është situata në selinë blu ai tha: “Do qetësohet. Paraprakisht është e qetë. Nuk do ta ruaj policia PD-në. Ne do kryejmë veprimet e duhura dhe do largohemi”, tha ai.