Gazetari Drini Zeqo ka reaguar për herë të parë pas daljes së tij të papritur nga shtëpia e “Big Brother VIP 3”. Në një postim në Instagram, ai ka ndarë me ndjekësit e tij arsyen e largimit nga loja.

Drini Zeqo shprehet se shkaku i daljes së tij nga loja është një problem familjar lidhur me çështje shëndeti të një prej anëtarëve të familjes së tij. Megjithatë, ai nuk ofron detaje të mëtejshme rreth identitetit të personit të prekur.

Gazetari thekson se për të shëndeti i familjarëve është shumë më i rëndësishëm se çdo garë në jetë. Në përfundim, ai falënderon të gjithë ata që kanë treguar interes dhe kujdes për të dhe familjen e tij, duke lënë hapur mundësinë e rikthimit në lojë në të ardhmen.

“Në jetë ka shumë gara por asnjë nuk është më e rëndësishme se sa shëndeti i familjarëve. Duke qenë se familja është gjëja më e rëndësishme për mua vendosa ta ndërpres rrugëtimin tim në ‘Big Brother VIP’. Të gjithë jemi mirë, faleminderit për interesin dhe kujdesin e treguar. Shihemi së shpejti!”, shkruan Drini Zeqo në postimin e tij në Instagram.