Ylli i muzikës pop, Dua Lipa, ka rrëmbyer sytë e të gjithëve në mbrëmjen gala të 50-vjetorit të Çmimeve Chaplin, mbajtur në Film at Lincoln Center, Nju Jork. E veshur me një fustan të zi transparent prej rrjete me prerje të guximshme, 29-vjeçarja tregoi edhe një herë elegancën dhe stilin e saj unik.

Krijuesja e hitit “One Kiss” kompletoi pamjen me taka me shkëlqim dhe një gjerdan të madh ari, duke i dhënë veshjes një prekje luksoze. Flokët i mbante të lëshuara me onde të buta, ndërsa make up-i në nuanca bronzi e theksonte bukurinë natyrale të këngëtares.

Gala e Çmimeve Chaplin, e cila shërben si ngjarja kryesore për mbledhje fondesh për Film at Lincoln Center, mbështet programet edukative, shfaqjet filmike dhe ngjarje të mëdha kulturore si Festivali i Filmit në Nju Jork dhe New Directors/New Films.

Dua Lipa konfirmon sërish statusin e saj si ikonë stili dhe figure me ndikim të jashtëzakonshëm në artin bashkëkohor.