Këngëtarja Dua Lipa, e njohur për origjinën e saj shqiptare, është nderuar me një statujë prej dylli në Stamboll, Turqi.

Muzeu i dyllit “Madame Tussauds Instabul” ka zbuluar figurën e saj prej dylli, e cila shihet e veshur me një kostum ekstravagant të cilin e ka përdorur në një nga turnetë e saj.

Punimi i figurës së dyllit mori rreth një vit punë, duke u siguruar leje speciale për këtë punim nga ekipi i artistes në Amerikë. Në këtë muze gjenden edhe figura të famshme dhe të rëndësishme nga muzika, kinemaja, sporti, siç janë Mustafa Kemal Atatürk, Fatih Sulltan Mehmet, Mevlana, Angelina Jolie, Brad Pitt, Beren Saat, Kıvanç Tatlıtuğ, Justin Bieber, Beyonce dhe Michael Jackson, të cilat mund të vizitohen çdo ditë.