28 deputetë kanë dërguar njoftim se zgjedhin Bardhin kreun e grupit, por zëvendëskryetarja Ermonela Felaj nuk e lexoi duke thënë se kryeparlamentarja Nikolla ka mbajtur njëherë qëndrimin mbi këtë çështje.

Gazment Bardhi, deputeti i Partisë Demokratike kërkoi nga nënkryetarja e Kuvendit të Shqipërisë, Ermonela Felaj, që të lexojë shkresën e paraqitur nga grupi i PD. Bardhi iu drejtua duke i thënë se duhen lexuar të gjitha vendimet, pavarësisht nëse “i pëlqejnë apo jo”.

Bardhi: Sipas dakordësisë, kryetarja na la 1 javë kohë që të bëhej 1 agjendë se kur do të shqyrtoheshin projektligjet. Do duhet që kalendari i punimeve të ketë të përcaktuar datën kur shqyrtohet seanca. Keni marrë njoftim nga grupi i PD, lexoni me guxim edhe pse nuk ju pëlqen, vendimin e grupit të PD. Nuk mund ti zgjidhni shkresat që lexoni, duhen lexuar të gjitha, pavarësisht nëse ju pëlqejnë ose jo.

Felaj: Ka një problem me kartën time të votimit…

Ne ramë dakord të gjithë për të gjitha propozimet që u bënë. Sikundër ashtu si ishte lënë detyrë, të gjithë kryetarët raportuan për ecurinë e nismave legjislative. Nuk ka pasur afat, fjala juaj ka ardhur pas votimit. Ka pasur dakordësi për kalendarin.

Bardhi: Nuk thashë që kishim lënë afat, por 1 javë kohë komisioneve që të përgatisnin një axhendë. Për kalendarin, e vërtetë që u bënë propozime, miratuam 3. Kur erdhi propozimi për kryetarin e PD, nuk ramë dakord. Do duhet ta hidhni me votim në seancë.