Kreu i demokratëve, Sali Berisha paralajmëroi një protestë të fortë ndaj kryeministrit Rama për shkak të bojkotit të pritshëm të samitit të BE-së ditën e nesërme.
Gjatë një tryeze me temë “Ta kthejmë Shqipërinë në rrugën evropiane”, Berisha u shpreh:
“Cdo ditë që ne nuk i dalim sot fatit tonë, por lejojmë që një aventurier i tillë të shkelmojë mbi identitetin tonë, mbi ëndrrën tonë ne bëhemi përgjegjës. Ai dje u nis turist në Francë. Normalisht ai sdo mund të kthehej më. Ai duhet të rrinte atje azilant me aktin që po projekton. Edhe atje po ti jepnin azil, pastaj do shkonte në Beograd.
Nuk jam dakord me ciftimin që na bëjnë. Por ne nuk folëm kur Maqedonia e pësoi për fajin tonë. Megjithatë ky mund të mos jetë kurrë motiv që ne të kalojmë në anën e zezë të historinë, të kalojmë në anën serbo- ruse. Sot thirrja është më kryesorja, të përballemi dhe të mos dorëzojmë fatin tonë në Beograd. Të mos dorëzojmë të ardhmen e këtij vendi në Beograd. Por të qëndrojmë. U kalua çdo lloj kufiri dhe imagjinate. Mendoj që ne duhet të thërrasim një protestë të fuqishme. Ky është një motiv në një farë mënyrë ekzistencial për kombin tonë. Nuk mundet kurrë njeri i shitur, i pashitur, cilido qoftë ai, të luajë me fatin tonë në këtë mënyrë. Edi Rama ka shndërruar Tiranën në Beogradin e vogël. Ne jemi kryeqyteti i Shqipërisë dhe i shqiptarëve”.
