Policia e Durrësit ka vënë në pranga Dorjan Abazin, 18 vjeç, i cili akuzohet për tentativë vjedhjeje me dhunë ndaj 3 shtetaseve italiane në lagjen nr. 13, në orët e para të mëngjesit.

Sipas njoftimit zyrtar, hetimet zbuluan se i riu është autor edhe i dy vjedhjeve të tjera, të ndodhura më 27 dhe 28 prill 2025, ku ai kishte thyer xhamat e dy automjeteve dhe kishte marrë sende personale. Gjatë kontrollit në banesë, policia sekuestroi municion luftarak dhe sende të dyshuara si të vjedhura.

Ndërkohë, një tjetër shtetas, E. D., 36 vjeç, po procedohet penalisht në gjendje të lirë për “moskallëzim krimi”.

Operacioni “Provat” vazhdon në bashkëpunim me Prokurorinë për të zbardhur ngjarjet e tjera ku dyshohet përfshirja e të riut.