Durrës – Dy punonjës sigurie në portin e Durrësit janë arrestuar nga Policia, pasi dyshohet se kanë vjedhur një motomjet brenda ambienteve të portit. Motomjeti, i ardhur nga Zvicra dhe me vlerë rreth 2,500 euro, ishte në pronësi të një qytetari me inicialet K.K.

Të arrestuarit, I.F., 45 vjeç, dhe G.D., 47 vjeç, kishin detyrën për të ruajtur sigurinë në port, por dyshohet se e shfrytëzuan këtë pozicion për të kryer vjedhjen, duke bashkëpunuar mes tyre.

Policia ka nisur hetimet për të dokumentuar ngjarjen dhe për të zbuluar të gjithë aktorët e mundshëm të përfshirë. Sipas burimeve zyrtare, të dy të arrestuarit ndodhen në paraburgim dhe rasti po ndiqet nga Prokuroria.