Dy personat e arrestuar në Lezhë dhe Rrëshen për mbajtjen e minave me telekomande, Marjan Gjoka, 28-vjeçar nga Qafa e Rubikut, dhe Ilir Gjoka, 45-vjeçar nga Lezha, do të qëndrojnë në burg pa afat.

Vendimi u mor në Gjykatën e Lezhës gjatë seancave gjyqësore, ku gjyqtari Renis Sheshi pranoi kërkesën e Prokurorisë dhe vendosi masën e sigurisë “arrest në burg” për akuzat e “Mbajtja pa leje e armëve, armëve shpërthyese dhe municionit”.