Një ngjarje e tmerrshme ka ndodhur këtë mbrëmje në Korçë, ku Jorgo Prifti ka qelluar për vdekje me një armë zjarri 40-vjeçarin Emiljano Pine dhe më pas ka kryer vetëvrasje. Ngjarja ka ndodhur rreth orës 20:25 pranë një hoteli në lagjen nr. 18, në rrugën “Koço Golniku”. Emiljano Pine ka humbur jetën gjatë transportimit për në spitalin e Korçës, ndërsa autorin e dyshuar, Jorgo Prifti, e gjetën të vetëvrarë në vendngjarje.
Shërbimet e Policisë kanë shkuar menjëherë në vendngjarje, ku kanë gjetur dhe sekuestruar në cilësinë e provës armën e krimit e gëzhojat. Gjithashtu janë administruar dhe po këqyren pamjet filmike nga kamerat e sigurisë.
