Kremlini i ka cilësuar si të “papranueshme dhe të turpshme” deklaratat e Presidentit amerikan, Joe Biden, që ka dënuar Rusinë për krime lufte.

“Fyerjet personale ndaj Presidentit të Rusisë vazhdojnë, kjo nuk është aspak e mirë. Ne e konsiderojmë të papranueshme dhe të turpshme deklaratat e Presidentit të SHBA”, tha zëdhënësi i Kremlinit, Dmitry Peskov.

Vlen të përmendet, se Rusia akuzohet nga vendet perëndimore për krime lufte dhe gjenocid, pasi në Bucha, një rajon shumë pranë Kievit është gjetur një varr masiv me rreth 400 të vdekur.

Njësia që kreu masakrën, mendohet se është vendosur përkohësisht në Bjellorusi. Ata duken se kanë marrë një tjetër detyrë nga Moska, për t’u futur përsëri në Ukrainë dhe të shkaktojnë terror në qytetin e dytë më të madh të vendit, Kharkiv.