Ka ndërruar jetë në spital këmbësori që u përplas nga një automjet mbrëmjen e kësaj të mërkure në Fier. Autoritetet policore raportojnë se viktima është shtetasi Dritan Gjinaj, rreth 50 vjeç.

Pasi u përplas nga automjeti tip “Range Rover” që drejtohet nga shtetasi B. H., 20 vjeç, këmbësori Dritan Gjinaj u dërgua me urgjencë në spital, por nuk ka arritur dot t’u mbijetojë plagëve të marra.

Ngjarja ndodhi rreth orës 21:30, në vendin e quajtur “Kryqëzimi i Grecallisë”.

Policia e Fierit bën me dije se ka drejtuesi i automjetit, shtetasi B. H., është shoqëruar në Komisariat për veprime të mëtejshme.
Grupi hetimor po punon për sqarimin e plotë të rrethanave të aksidentit.