Një person ka rënë mesditën e sotme nga kati i dytë i banesës në zonën e Laprakës në Tiranë. Sipas policisë, bëhet fjalë për 54-vjeçarin me inicialet E.P i cili dyshohet se vuan nga probleme të shëndetit mendor.

‘Fax News’ ka siguruar pamjet nga vendngjarja ku shihet se dhjetëra njerëz janë grumbulluar ndërsa 54 vjeçari është dërguar me urgjencë në spital. Grupi hetimor po punon për zbardhjen e plotë të ngjarjes.

Njoftimi i Policisë:

Tiranë/Informacion paraprak

Më datë 07.04.2022, në rrugën “Dritan Hoxha”, ka rënë nga kati i dytë i banesës së tij, shtetasi E. P., 54 vjeç, i cili dyshohet se vuan nga probleme të shëndetit mendor. Si pasojë është dëmtuar dhe ndodhet në spital, nën kujdesin e mjekëve.
Grupi hetimor ndodhet në vendngjarje dhe po punon për sqarimin e rrethanave të ngjarjes.