Një ngjarje e rëndë është shënuar pasditen e sotme në fshatin Bishan të Vlorës. Shtetasi ka goditur me armë gjahu motrën e tij, pas një sherri për motive të dobëta.

Ngjarja ka ndodhur rreth orës 16:25 në fshatin Bishan, Vlorë. Policia ka mbërritur menjeherë në vendngjarje dhe është vën në ndjekje të autorit të ngjarjes.

Ndërkohë shtetasja me iniciale B.H. është dërguar në spital, ku ndodhet nën kujdesin e mjekëve.

Vlorë/Informacion paraprak

Sot, rreth orës 16:25, në fshatin Bishan, Vlorë, dyshohet se gjatë një konflikti të çastit për motive të dobëta, shtetasi S. D., rreth 60 vjeç, ka plagosur me armë gjahu çifte, motrën e tij, shtetasen B. H., rreth 66 vjeçe, e cila është dërguar në spital dhe ndodhet nën kujdesin e mjekëve, jashtë rrezikut për jetën.

Shërbimet e Policisë janë vënë në ndjekje të autorit.

Nga veprimet e para hetimore dyshohet se autori gjatë konfliktit ka qenë nën efektin e alkoolit.

Grupi hetimor ndodhet në vendngjarje dhe po punon për zbardhjen e rrethanave të ngjarjes.