Donetsku dhe Luhansku, dy rajonet ukrainase që Rusia i shpalli të pavarura, vijojnë të jenë fushë-beteja mes dy ushtrive. Forcat e Armatosura të Ukrainës bëjnë me dije se në 24 orët e fundit kanë arritur të zmbrapsin 7 sulme të armikut.

Sipas tyre, janë shkatërruar 12 tanke, 10 automjetet të blinduara dhe janë vrarë një numër i madh ushtarësh rusë. Lufta në Ukrainë vijon prej 24 shkurtit, kur Rusia vendosi të sulmojë me raketa qytetet ukrainase. Deri më tani, MAriupoli ëhstë qyteti më i shkatërruar, pasi pothuasje nuk ka mbetur asnjë ndërtesë e pagoditur nga sulmet ruse.

Ushtria ukrainase vijon t’i kundërpërgjigjet rusëve, e përforcuar tashmë edhe me armët e dërguara nga vendet perëndimore.