Kryeministri Edi Rama do të jetë pjesë e listës së mbyllur në qarkun e Tiranës për zgjedhjet parlamentare të 11 majit.

Me këtë vendim, kreu i mazhorancës i ka dhënë fund spekulimeve të fundit, të cilat u nxitën nga deklaratat e tij në mbledhjen me grupin parlamentar të Partisë Socialiste, ku kishte lënë të hapur mundësinë që të mos kandidonte fare në këto zgjedhje.

Pritet që Kryesia e PS të miratojë zyrtarisht listën përfundimtare të kandidatëve, ndërsa gara për deputetë do të zhvillohet me një kombinim të listës së mbyllur dhe listave të hapura, ku disa kandidatë do të duhet të sigurojnë votat e qytetarëve për t’u futur në Kuvend.