Në Kongresin e PS, Edi Rama ka ndarë lajmin se ka bashkëpunuar me Mira Muratin, drejtuese e Kompanisë ChatGPT, për të realizuar rivendosjen e 280 mijë faqeve me masa ligjore të BE në legjislacionin shqiptar. Këtë ndryshim, sipas Ramës, do ta bëjë përmes ChatGPT, duke eliminuar një numër të madh të përkthyesve dhe juristëve, dhe duke kursyer kështu miliona euro. Kryeministri shqiptar tha se kjo do të jetë “dhurata e Vitit të Ri nga Shqipëria” për liderët e BE në mbledhjen e 13 dhjetorit në Bruksel.
E kërkoj Mira Muratin i ndrojtur nga një ndrojë që nuk më karakterizon… pas një komunikimi telefoni i kërkoj ndihmë për ta bërë gati më shpejt Shqipërinë për anëtarësimin europian. Ajo qesh se mbase kujtoi se unë po bëja humor, por thotë ‘po të dëgjoj’.
Dhe unë e pyes që a është e mundur që në vend se ne të rekrutojmë një armatë me përkthyes dhe një batalion me jurist dhe të shpenzojmë miliona euro për të bërë gati në shqip malin me masat ligjore të BE, ta bëjmë këtë përmes ChatGPT. E dëgjoi me kujdes dhe më përgjigje ‘më duket e mundur’.
Kështu nisi puna me Mirën dhe një skuadër të përbashkët, dhe sot dua ta ndaj me ju që në 13 dhjetor në Bruksel, kur të mbaroj mbledhja bashkë me dilemën greke, do ua lë si kartolinë të Vitit të Ri të Shqipërisë të gjithë liderëve të BE rezultatin e testit të suksesshme të modelit shqiptar për ndërvendosjen në legjislacionin tonë të 280 mijë faqeve masa ligjore të BE.
Asnjë cic mic ballkanik apo gërr gërr perëndimor nuk e vonon dot Shqipërinë në këtë proces themelor pune për anëtarësimin në BE. Shqipëria jo vetëm që do ta bëjë përafrimin e legjislacionit por do ta bëjë më shpejt se më i shpejti që e ka bërë më parë. Por do të ndihmojë bujarisht dhe Kosovën. Askush s’e pengon që të nisë ndërvendosjen e të gjithë trupit ligjor të BE
