.

Ai është thirrur nga prokuroria e posaçme në kuadër të një hetimi që struktura antikorrupson po kryen për tendera.

SPAK po kryen hetime për zyrtarë të bashkisë Kamëz, lidhur tendera të pastrimit të qytetit dhe dëmshpërblimet për tërmetin. Burime bëjnë me dije se pas kallëzimeve të mbërritura në strukturën anti-korrupsion, ky institucion ka regjistruar procedim penal, ndërsa hetimet po kryhen nga prokurori Elvin Gokaj. Mësohet se për këtë çështje kanë thirrur dhe janë marrë në pyetje disa zyrtarë të këtij institucioni.

Mësohet se në ditët në vijim fletë-thirrje për t’u marrë në pyetje Prokuroria e Posaçme do i dërgojë edhe keyebashkiakut, aktual Rakip Suli. Referuar kallëzimit mësohet se hetimet po kryhen pasi ka dyshime se disa persona kanë marrë dëmshpërblim për pasojet e tërmetit dy herë për të njëjtin objekt.

Në kuadër të këtyre hetimeve agjentë të Byrosë Kombëtare të hetimit kanë sekuestruar disa dokumente në bashkinë Kamëz, por edhe procedura të tenderit për pastrimin e qytetit.

Ndërkohë nën hetim për abuzim me tendera SPAK po kryen hetime edhe për bashkinë Rrogozhinë.