Një moment i papritur dhe mjaft i komentuar ndodhi pasditen e sotme në shtëpinë e “Big Brother VIP Albania 4”, kur Egli u shfaq duke hequr unazën e martesës nga gishti dhe duke e vendosur në varësen që mbante në qafë.

Teksa bisedonte me Rozanën për një tekst kënge që kishte përgatitur vetë, Egli kreu një veprim që nuk kaloi pa u vënë re nga publiku dhe banorët: ajo e hoqi unazën pa dhënë asnjë koment, duke ngritur dyshime nëse ka ndodhur diçka në marrëdhënien e saj me Gjestin.

Ky veprim befasues vjen vetëm dy ditë pas dasmës së tyre brenda shtëpisë së BBVA, ku çifti kurorëzoi dashurinë e tyre në një ceremoni që u kthye në një nga momentet më emocionuese të sezonit. Ishte Gjestin ai që bëri kërkesën për martesë, dhe produksioni i “Big Brother VIP” organizoi një event të veçantë, me surpriza dhe të ftuar specialë.

Në dasmën festive morën pjesë edhe ish-banorë të sezonit, ndërsa atmosfera u ndez nga performancat muzikore të Remzie dhe Nexhat Osmanit, duke e bërë mbrëmjen të paharrueshme për çiftin dhe për publikun.

Aktualisht, nuk ka ende një shpjegim nga Egli për këtë veprim. A është thjesht një gjest i padëmshëm apo sinjal për diçka më shumë? Publiku është në pritje të zbulojë çfarë fshihet pas këtij momenti.