Gjykata e Elbasanit ka vendosur të lërë në fuqi masën e sigurisë “arrest me burg” për një 38-vjeçar, i identifikuar me inicialet B.B., i cili akuzohet për marrëdhënie seksuale me vajzën e mitur të bashkëjetueses së tij.

Sipas informacionit zyrtar, i riu ka pranuar veprimet, por ka pohuar se ato ishin me dëshirën e vajzës. Viktima, e cila sot është 15 vjeç, ka dëshmuar përpara psikologut dhe oficerëve të policisë se abuzimi ka zgjatur për rreth katër muaj.

Ndërkohë, nëna e vajzës është pozicionuar në mbrojtje të të pandehurit, duke e akuzuar të bijën për sjellje të papranueshme, një fakt që ka ngjallur reagime të forta në publik.

Rasti ka rikthyer vëmendjen tek pasojat e rënda të abuzimit seksual ndaj të miturve dhe problematika e familjeve që nuk mbrojnë fëmijët, por shpesh justifikojnë ose mbështesin autorët e krimeve të tilla.