21.5 C
Tiranë
Monday, August 4, 2025
spot_img

Elisa Spiropali: Kongresi i Lushnjës rrëzoi paragjykimet e fuqive të mëdha dhe hodhi themelet e parlamentarizmit shqiptar

Në kuadër të 105-vjetorit të parlamentarizmit shqiptar, Kuvendi i Shqipërisë organizoi sot aktivitetin “Parlamentarizmi, Republika, Demokracia”, ku kryetarja e Kuvendit, Elisa Spiropali, vlerësoi rolin historik të Kongresit të Lushnjës në fillesat e parlamentarizmit dhe forcimin e institucioneve të shtetit shqiptar.

Në fjalën e saj, Spiropali theksoi se Kongresi i Lushnjës ishte një moment kyç për Shqipërinë, pasi i dha vendit një drejtim të qartë politik dhe institucional, duke sfiduar hapur paragjykimet ndërkombëtare mbi aftësinë e shqiptarëve për të ndërtuar shtetin e tyre.

“Në më pak se një dekadë pas shpalljes së Pavarësisë, Kongresi i Lushnjës shënoi një moment historik për popullin shqiptar. Ai hodhi hapat e parë drejt një shteti të organizuar dhe institucional. Parlamentarizmi kurorëzoi dhe jetësoi përpjekjet e shqiptarëve për të ndërtuar një shtet të bazuar në drejtësi, liri dhe barazi,” u shpreh Spiropali.

Ajo nënvizoi se ky kongres shërbeu si një provë historike për botën, duke treguar se shqiptarët ishin të aftë të merrnin vendime të mëdha kombëtare dhe të ngrinin institucione qeverisëse.

“Kongresi i Lushnjës rrëzoi në sytë e fuqive të mëdha paragjykimin dhe stigmën mbi paaftësinë e shqiptarëve për t’u bashkuar, për të marrë vendime kombëtare, për të bërë shtet dhe për të ndërtuar institucione qeverisëse. Ky kongres e shkallmoi përfundimisht këtë sfidë,” tha Spiropali.

Gjithashtu, ajo kujtoi se Kongresi i Lushnjës plotësoi vendimet e Kuvendit Kombëtar të Vlorës dhe atij të Durrësit, duke themeluar një sistem përfaqësues për shtetin shqiptar.

“Rizgjedhja e Këshillit Kombëtar me atributet e parlamentit ishte ndër vendimet më të rëndësishme të Kongresit të Lushnjës. Vendimi për krijimin e trupës legjislative, e para pas shpalljes së Pavarësisë, ishte fillesa e parlamentarizmit shqiptar. Nga Lushnja nisi konsolidimi i Shqipërisë së pavarur parlamentare e republikane,” theksoi kryetarja e Kuvendit.

Sipas saj, ky kongres, duke hedhur themelet e parlamentarizmit, jo vetëm që kontribuoi për formësimin e Republikës, por shënoi edhe fillesat e ndërtimit të demokracisë në Shqipëri, duke i dhënë vendit një strukturë qeverisëse të bazuar në përfaqësim dhe institucione të forta.

Artikuj të Tjera

Komento

Ju lutemi shkruani komentin tuaj!
Ju lutem shkruani emrin tuaj këtu

POSTIMET E FUNDIT

Ish-portieri godet me gurë godinën e Bashkisë Korçë, arrestohet pas transmetimit live në rrjete...

0
Një incident i pazakontë ndodhi mbrëmjen e djeshme në qytetin e Korçës, ku ish-portieri i njohur i futbollit shqiptar, Kostandin Dramolli, goditi me gurë...

Alex Soros dhe Huma Abedin zgjedhin Dhërmiun për pushime, darkë me kryeministrin Rama

0
Filantropi Alex Soros dhe bashkëshortja e tij, Huma Abedin, ndodhen prej dy ditësh në jug të Shqipërisë, duke kaluar disa ditë pushimi në Dhërmi,...

Pamje tronditëse nga sherri në Vlorë: Dy të plagosur me thikë, arrestohet autori

0
Një konflikt i dhunshëm i ndodhur mbrëmjen e djeshme në qytetin e Vlorës ka përfunduar me dy persona të plagosur me thikë. Ngjarja, e...

Macron dënon videon tronditëse të Hamasit: “Mizori e turpshme, lirimi i pengjeve duhet të...

0
Një video e publikuar nga grupi militant Hamas ka shkaktuar reagime të ashpra në skenën ndërkombëtare. Pamjet e publikuara tregojnë një nga pengjet izraelite...

Operacion Ndërkombëtar Kërkim–Shpëtimi në Det të Hapur

0
Zona e operacionit: Kepi i Stillos – Ksamil – Karaburun – Grykderdhja e Semanit Qendra Kombëtare e Kërkim-Shpëtimit (RCC Albania), në bashkëpunim me Forcat e...