Miliarderi Elon Musk ka bërë thirrje për mbylljen e dy mediave të financuara nga qeveria amerikane, Zëri i Amerikës (VOA) dhe Radio Evropa e Lirë (RFE).

Në një postim në platformën e tij X, Musk tha se këto media nuk janë më të nevojshme dhe se financohen nga taksapaguesit amerikanë pa ndonjë ndikim real.

“Mbyllini ato,” shkroi Musk. “Evropa tani është e lirë, askush nuk i dëgjon më dhe janë thjesht njerëz të çmendur të së majtës radikale që flasin me veten e tyre ndërsa shpenzojnë 1 miliard dollarë në vit nga paratë e taksapaguesve amerikanë.”

Deklarata e tij ka ngjallur debate mbi rolin dhe rëndësinë e këtyre mediave, të cilat historikisht janë përdorur për të promovuar lirinë e shtypit dhe informacionin e pavarur, veçanërisht në vendet me regjime autoritare.