Në ndryshim nga Sali Berisha që deklaroi se do të jetë pjesë e seancës së nesërme për zgjedhjen e presidentit, duke deklaruar votën kundër, Enkelejd Alibeaj, duke folur po ashtu në emër të PD-së tha se nuk ka asnjë vlerë që ata të bëhen pjesë e procesit.

Alibeaj, i cili u ul disa herë në tryezën e negociatave me përfaqësuesit e Edi Ramës për zgjedhjen e presidentit, tashmë thotë se PD nuk ka pse të legjitimojë zgjedhjen e njëanshme të kreut të shtetit.

Alibeaj u pyet nga gazetarët nëse hezitimi për të shkuar në seancë kishte lidhje me frikën e rrjedhjes së votave, por nuk preferoi që të jepte një përgjigje direkte për këtë.

Enkelejd Alibeaj: Qëndrimi ynë është i kuptueshëm për këdo, jemi futur në këtë proces që presidenti të ishte mbi palët, dhe të simbolizonte unitetin.

E vutë re të gjithë mospërmbushjen e detyrës nga Partia Socialiste, i mbani mend që Rama thoshte se presidenti do të ishte konsensual, e pra sot një ditë para momentit kur shqiptarët do të jenë me president, ende nuk e dinë kandidatin.

Qendrimi ynë është koherent, nuk ka asnjë sens që PD të jetë pjesë e votimit.