Kryetari i Bashkisë së Tiranës, Erion Veliaj, ka bërë thirrje qytetarëve të jenë pjesë e aktiviteteve të shumta që do të organizohen në Ditën e Verës më 14 Mars. Përmes një statusi në ‘Facebook’, Veliaj ka bërë të ditur se do të zhvillohen mbi 34 evente në vende të ndryshme të kryeqytetit.

“Dita e Verës, festa e të gjithë Shqiptarëve! Mos e humb, 14 Mars, 24 orë festë, 34 evente! P.S. Mos harroni veroret”, shkruan Veliaj.

Bulevardi “Dëshmorët e Kombit”, ish-Blloku, Parku i madh i Liqenit, si dhe Sheshi “Skënderbej” do të jenë qendra e festimeve për Ditën e Verës. Thirrja e kryetarit të bashkisë ka për qëllim të mobilizojë komunitetin dhe të krijojë një atmosferë festive në kryeqytet në këtë datë të veçantë.