Kryetari i Bashkisë së Tiranës, Erion Veliaj, ka dalë nga blloku i sigurisë në furgonin e policisë dhe i është drejtuar Gjykatës së Posaçme kundër Korrupsionit dhe Krimit të Organizuar (GJKKO) për vlerësimin e masës së sigurisë.

Seanca gjyqësore është planifikuar të nisë në orën 08:30 të mëngjesit, ku togave të zeza do t’u duhet të vendosin për fatin e Veliajt, i cili u arrestua mesditën e së hënës me urdhër të SPAK.

Ndërkohë, para ambienteve të gjykatës janë mbledhur qindra qytetarë, të cilët kanë dalë për të mbështetur kryebashkiakun e Tiranës. Situata para GJKKO-së po monitorohet nga forca të shumta policore për të shmangur çdo incident.

Arrestimi i Veliajt ka shkaktuar reagime të shumta në politikë dhe në opinionin publik, ndërsa seanca e sotme pritet të ketë një ndikim të madh në skenën politike dhe institucionale të vendit.